திட்டமிட்ட செயல்பாட்டுக்கு வாரயிறுதி நாட்களே ஏற்றவை
பேரழிவின் நினைவுநாள் நிகழ்வுகள்
வாரயிறுதிக்கு மாறுகின்றன
பிறந்தநாள் கேக்குகள் வாரயிறுதியில்
வெட்டப் படுகின்றன
பிரசாரங்கள் வாரயிறுதியிலேயே சொல்லப் படுகின்றன
பிடித்தமான தொடரின் அன்றைய பத்தியை பார்த்து விட்டு
மனைவிக்கு முத்தம் கொடுத்து
நிதானமாய் பி்ரசவம் பார்க்க கிளம்பும் மருத்துவருக்கு
சுவாசக் குழாயை நீக்க சூப்பர் ஓவர் முடியும் வரை காத்திருப்பில் உள்ள மருத்துவர் எதிர்படுகிறார்
திட்டமிட்ட செயல்பாடுகளுக்கு வாரயிறுதியே வசதியானது
சொல்லின் வழியே மலையை பறக்க வைக்கும் மந்திரவாதியை
குடையிலிருந்து நிலாவை எடுக்கும் மாயாஜாலக்காரனை
முன் கூட்டியே பதிவு செய்யலாம்
கண்டுகளிக்கும் திரளும் வாரயிறுதியிலேயே ஒழிவாக இருக்கின்றன
வாடிக்கையாளர்களுக்கு
வாடிக்கையான பதில்களைச் சொல்லி அலுத்துப் போனவளின் கேள்பொறியைச் சரிசெய்ய வாரயிறுதிக்கு ஒப்புக் கொடுக்கப் பட்டவர்
இரு திட்டமிட்ட செயல்பாடுகளுக்குள் சிக்கிக் கொள்கிறார்
வெள்ளியன்று எடுக்கக் கூடாதா எனத் தூசகற்றும் கருவியும்
திங்களன்று பெருக்கக் கூடாதா எனப் பி்ரேதமும் கேட்கின்றன
No comments:
Post a Comment